रामजन्मभूमी

 

रामजन्मभूमी 

वृत्त - अश्वधाटी/ मंदारमाला

 

तो आमुचा रामराजा जिथे जन्मला; वंद्य ती पुण्य भूमी अम्हा

जी जाहली रामचंद्राचिया पावलांच्या धुळीने पवित्रा धरा

ती अस्मिता आमुची देतसे धैर्य उत्साह अन् तेज आम्हा महा

ती जन्मभू राघवाची पहा मुक्त झाली यशोमंदिरा निर्मिण्या ।।

 

नाही घडी हीच सामान्य हो; प्राण गेले किती मोजले ना अम्ही

अन्याय तो घोर त्या कत्तली, हाल ठेवीयले ते जपोनी हृदी

त्याच्याच त्या ठाम पायावरी आज ह्या मंदिरा देउ आकारची

कोदंडधारी छबी राघवाची चला स्थापुया मंदिरी साजिरी ।।

 

डोलेल डौलात ती केशरीशी ध्वजा साजिर्‍या मंदिराच्या शिरी

डौलात डोले ध्वजा केशरी ती पुन्हा साजिऱ्या मंदिराच्या शिरी

जातील आनंदुनी कोटिच्या कोटी ती पोळलेली मने मौनची

दीपोत्सवाच्या प्रकाशी अयोध्या पुन्हा आज होईल तेजस्विनी

लावून घ्या हो हृदीचेच हे दीप तेजावरी त्याच तेजावरी ।।

 

 

( वृत्त- मंदारमाला /अश्वधाटी ; अक्षरे- 22; गण – त त त त त त त ग; यति- 4, 6, 6, 6 )

ला ला ल ला । ला ल ला ला ल ला । ला ल ला ला ल ला । ला ल ला ला ल ला

-------------------------------------------------------------------